Mienh Giduc Jiu Baang yiem haaix jiex gorn.
Hnangv haaix nor cuotv naaiv jauv sienx Yesu nyei mienh daaih?
Yiem 1975 Laauv Guoqv zuqc nzaeng nzemx daaih nyei ziangh hoc, mbuo Iu-mienh biaux jiex Taiv Guoqv daaih dingh, dorv sin weic simv cang-congx nyei jauv. Yiem gau, maaih deix mbuo ganh nyei Iu-mienh dorn ziouc dingc hnyouv zoux sou daaih yiem naaiv Meiv Guoqv deic bung.
Da'yietv buonc se Zeuz, Gauv Jiem mbuo yietc biauv mienh ( biaa dauh) jiex gorn zoux dorh jauv mienh daaih naaiv Meiv Guoqv deic bung yiem feix hlaax, 1976 wuov hnyangx. Da'nyeic buonc se Zanh, Fux Wangc mbuo yietc biauv mienh(siec dauh) taux naaiv Meiv Guoqv ziepc yietv hlaax , ziepc beitv fih hnangv nyei 1976, wuov hnyangx.
Taux 1978 wuov hnyangx, mienh camv cingx dingc hnyouv zoux sou suiv daaih naaiv Meiv Guoqv camv jienv faaux. Taux 1979 wuov hnyangx, daan daan yiem Portland, Oregon saengv nyei mienh mv baac camv nyei. Dongh naaic norm ziangh hoc mienh yaac yiem zunv nyei weic mbuo Iu-mienh yiem haaix yaac laanh oix ziouc laanh. Daan yiem Halsey Square Apartment nyei biauv wuov zanc m' nziex maaih yietc baeqv lengh buonc mienh yiem naaic.
Maaih deix yiem naaiv Eastside Church of Christ nyei Janx haiz gorngv yie mbuo piuh-yiuh mienh, siang taux daaih jomh kouv yaac gaanh naanh haic. Ninh mbuo cingx daaih mingh hiuv duqv mbuo mienh yaac dorh ga'naaiv mingh bun. Ninh mbuo dorh nyanc hopv, luiz-houx, caux laai-nzormc caeng-yienv mingh bun mbuo mienh. Yiem naaic daaih, ninh mbuo jiex gorn hiuv duqv mbuo naaiv fingx Iu-mienh dorn yaac hiuv duqv mbuo mienh maaih deix se sienx Tin-Hungh nyei mienh. Ninh mbuo yaac a'hneiv nyei dorh cie-ndaauv ( Bus ) daaih zipv mbuo mienh mingh caux ninh mbuo zoux leiz baaix yaac jiex gorn tengx mbuo mienh camv jienv faux. Tengx sou nzaangc nyei jauv, dorh mingh buangh ndie-sai, aengx maaih ziex nyungc dongh ninh mbuo tengx nyei jauv gorngv maiv nzengc.
Wuov zanc maaih naaiv deix Janx gorx yiouz caux dorz nzieh mbuo mingh tengx yie mbuo. Se maaih; Elmer Maxwell caux Edna ninh mbuo I hmuangv, Rudy Klobas caux ninh nyei auv, Jim Brow caux ninh nyei maa, Gorden Klobas aengx maaih camv dauh nyei juangc jienv tengx yie mbuo. Wuov zanc daaih zunh doz tengx yie mbuo wuov deix janx gorx se maaih; Joe Jim, West Harison, aengx maaih dauh Janx Kolie janx gorx Dr. Lee. Maaih dauh Janx laauv heuc Kaamh norng, Zeuz, Yunh Ciang se faan waac mienh hnangv. Taux 1985 wuov hnyangx Elmer Maxwell zoux Elder nyei ziangh hoc, ninh tengx cuotv za'eix fungx dauh mbuo ganh nyei mienh mingh hoqc Ging Sou. Longc ziangh hoc lauh nyei daux gaux, Tin-Hungh ganh genv Zeuz, Yunh Ciang zoux Ninh nyei gong-mienh. Ninh ziouc laengz bienh jienv ninh ganh nyei muangv doic mingh Texas wuov norm saengv weic hoqc Ging Sou. Leih mienh muoz doic go nyei ziex hnyangx, mv baac taux 1987 wuov hnyangx cingx hoqc ziangx Ging Sou. Zeuz, Yunh Ciang ziouc a'hneiv nyei bienh jienv ninh nyei muangv doic nzuonx daaih yiem naaiv Oregon saengv, Portland deic zoux Tin-Hungh nyei gong. Yiem naaic jiex gorn daaih, mbuo mienh ganh zunh doz, longc mbuo mienh nyei waac ceng Tin-Hungh. Yie mbuo caux Eastside Church of Christ se benx norm jiu baang yaac juangc jiu baang nyei mienh-gox. Mv baac, Janx zoux Leiz baaix daauh aanx 9:30AM taux 11. 30 AM. Yie mbuo Iu-mienh zoux Leiz-baaix yiem da'nyeic aanx 2:00PM taux 4.30PM, weic mbuo mienh nyei waac caux janx nyei maiv fih hnangv daaih.
Ih zanc nyei zunh doz mienh Zeuz,Yoon Alexander (Zeuz, Yunh Ciang) maaih 5 dauh borngh buoz mienh(Deacons) mbuo mienh ganh, maaih 5 dauh jiu baang nyei mienh-Gorx (Elder) yietc zungv janx. Aengx maaih 4 dauh dorh nzung nyei mienh yaac maaih mh'sieqv dorn guanh.
Yie mbuo yaac maaih camv dauh liuz leiz gong nyei mienh; maaih hoqc Ging-sou nyei horqc njaaux duqv 2 hnyangx lengh aqv( naaiv se 4 hnyaangx nyei Program). Maaih hoqc Mienh nzaangc, maaih hoqc Janx Kaeqv waac.
Caux yie mbuo juangc sienx fim nyei mienh maaih; yiem Anchorage, Alaska, Mungv ngauv deic, Laam-baang, Taiv guoc. Aeng maaih dauh Laauv guoqv nyei youz yiem Bang kok nyei Ging-Sou Horqc dorngh oix hoqc ziangx yiem ziepc nyeic hlaax 2009 naaiv.
Yiem 1975 Laauv Guoqv zuqc nzaeng nzemx daaih nyei ziangh hoc, mbuo Iu-mienh biaux jiex Taiv Guoqv daaih dingh, dorv sin weic simv cang-congx nyei jauv. Yiem gau, maaih deix mbuo ganh nyei Iu-mienh dorn ziouc dingc hnyouv zoux sou daaih yiem naaiv Meiv Guoqv deic bung.
Da'yietv buonc se Zeuz, Gauv Jiem mbuo yietc biauv mienh ( biaa dauh) jiex gorn zoux dorh jauv mienh daaih naaiv Meiv Guoqv deic bung yiem feix hlaax, 1976 wuov hnyangx. Da'nyeic buonc se Zanh, Fux Wangc mbuo yietc biauv mienh(siec dauh) taux naaiv Meiv Guoqv ziepc yietv hlaax , ziepc beitv fih hnangv nyei 1976, wuov hnyangx.
Taux 1978 wuov hnyangx, mienh camv cingx dingc hnyouv zoux sou suiv daaih naaiv Meiv Guoqv camv jienv faaux. Taux 1979 wuov hnyangx, daan daan yiem Portland, Oregon saengv nyei mienh mv baac camv nyei. Dongh naaic norm ziangh hoc mienh yaac yiem zunv nyei weic mbuo Iu-mienh yiem haaix yaac laanh oix ziouc laanh. Daan yiem Halsey Square Apartment nyei biauv wuov zanc m' nziex maaih yietc baeqv lengh buonc mienh yiem naaic.
Maaih deix yiem naaiv Eastside Church of Christ nyei Janx haiz gorngv yie mbuo piuh-yiuh mienh, siang taux daaih jomh kouv yaac gaanh naanh haic. Ninh mbuo cingx daaih mingh hiuv duqv mbuo mienh yaac dorh ga'naaiv mingh bun. Ninh mbuo dorh nyanc hopv, luiz-houx, caux laai-nzormc caeng-yienv mingh bun mbuo mienh. Yiem naaic daaih, ninh mbuo jiex gorn hiuv duqv mbuo naaiv fingx Iu-mienh dorn yaac hiuv duqv mbuo mienh maaih deix se sienx Tin-Hungh nyei mienh. Ninh mbuo yaac a'hneiv nyei dorh cie-ndaauv ( Bus ) daaih zipv mbuo mienh mingh caux ninh mbuo zoux leiz baaix yaac jiex gorn tengx mbuo mienh camv jienv faux. Tengx sou nzaangc nyei jauv, dorh mingh buangh ndie-sai, aengx maaih ziex nyungc dongh ninh mbuo tengx nyei jauv gorngv maiv nzengc.
Wuov zanc maaih naaiv deix Janx gorx yiouz caux dorz nzieh mbuo mingh tengx yie mbuo. Se maaih; Elmer Maxwell caux Edna ninh mbuo I hmuangv, Rudy Klobas caux ninh nyei auv, Jim Brow caux ninh nyei maa, Gorden Klobas aengx maaih camv dauh nyei juangc jienv tengx yie mbuo. Wuov zanc daaih zunh doz tengx yie mbuo wuov deix janx gorx se maaih; Joe Jim, West Harison, aengx maaih dauh Janx Kolie janx gorx Dr. Lee. Maaih dauh Janx laauv heuc Kaamh norng, Zeuz, Yunh Ciang se faan waac mienh hnangv. Taux 1985 wuov hnyangx Elmer Maxwell zoux Elder nyei ziangh hoc, ninh tengx cuotv za'eix fungx dauh mbuo ganh nyei mienh mingh hoqc Ging Sou. Longc ziangh hoc lauh nyei daux gaux, Tin-Hungh ganh genv Zeuz, Yunh Ciang zoux Ninh nyei gong-mienh. Ninh ziouc laengz bienh jienv ninh ganh nyei muangv doic mingh Texas wuov norm saengv weic hoqc Ging Sou. Leih mienh muoz doic go nyei ziex hnyangx, mv baac taux 1987 wuov hnyangx cingx hoqc ziangx Ging Sou. Zeuz, Yunh Ciang ziouc a'hneiv nyei bienh jienv ninh nyei muangv doic nzuonx daaih yiem naaiv Oregon saengv, Portland deic zoux Tin-Hungh nyei gong. Yiem naaic jiex gorn daaih, mbuo mienh ganh zunh doz, longc mbuo mienh nyei waac ceng Tin-Hungh. Yie mbuo caux Eastside Church of Christ se benx norm jiu baang yaac juangc jiu baang nyei mienh-gox. Mv baac, Janx zoux Leiz baaix daauh aanx 9:30AM taux 11. 30 AM. Yie mbuo Iu-mienh zoux Leiz-baaix yiem da'nyeic aanx 2:00PM taux 4.30PM, weic mbuo mienh nyei waac caux janx nyei maiv fih hnangv daaih.
Ih zanc nyei zunh doz mienh Zeuz,Yoon Alexander (Zeuz, Yunh Ciang) maaih 5 dauh borngh buoz mienh(Deacons) mbuo mienh ganh, maaih 5 dauh jiu baang nyei mienh-Gorx (Elder) yietc zungv janx. Aengx maaih 4 dauh dorh nzung nyei mienh yaac maaih mh'sieqv dorn guanh.
Yie mbuo yaac maaih camv dauh liuz leiz gong nyei mienh; maaih hoqc Ging-sou nyei horqc njaaux duqv 2 hnyangx lengh aqv( naaiv se 4 hnyaangx nyei Program). Maaih hoqc Mienh nzaangc, maaih hoqc Janx Kaeqv waac.
Caux yie mbuo juangc sienx fim nyei mienh maaih; yiem Anchorage, Alaska, Mungv ngauv deic, Laam-baang, Taiv guoc. Aeng maaih dauh Laauv guoqv nyei youz yiem Bang kok nyei Ging-Sou Horqc dorngh oix hoqc ziangx yiem ziepc nyeic hlaax 2009 naaiv.